Keep the Change

Tanong: Ano ang translation ng “keep the change” sa wikang Filipino?

Sagot: Sa’yo na ang sukli.

Kung ikaw ay kahera o taxi driver, ang sarap pakinggan ng “keep the change”. Pero paano kung ang ibig sabihin nito ay:

Panatilihin ang pagbabago.

Hmmm, mukhang mahirap tanggapin. Sino ba naman ang may gusto ng pagbabago at panatilihin pa ito?

Change. Pagbabago.

Paano kung may kinakaharap kang pagbabago sa buhay mo? How do you cope with those changes?

Bago mo ipagpatuloy ang pagbabasa, may konting exercise lang tayo.

1.) Siguraduhing may suot kang relo. Check?

2.) Ilipat sa kanang kamay ang relo kung nasa kaliwang kamay ito at ilipat naman sa kaliwa kung nasa kanan ito.

3.) Isipin, ano ang pakiramdam?

image

Eto ang screen shot ng kalendaryo ko para sa Setyembre. (Blurred para di niyo malalaman saan ako nagpunta. Hehe). Kung mapapansin niyo, bakante pag weekdays dahil para kay Neil yan at puno naman pag Sabado at Linggo.

Hindi mo mababasa ang mga plano ko pero aaminin ko na karamihan dito’y naging drowing na lang at napalitan dahil sa mga kinaharap at kinakaharap na pagbabago.

Natutunan ko ang exercise ng relo mula sa seminar namin noong Sabado. Isa iyong orientation sa bagong sistemang ipapatupad ng kumpanya.

The exercise reminded me of some truths about change and how to cope with it. Here are my top three take-homes:

We can’t make a difference if we don’t do things differently. May nabasa ako dati, we can’t expect to get a different outcome if we keep on doing the same things over and over.

At first, change will make us feel uneasy. Natuwa ka ba nang nilipat mo sa kabilang kamay ang relo mo? Ako, hindi. Nanibago ako. Nailang.

When change happens, we must resist the urge to go back to the old ways. Suot mo pa ba sa kabilang kamay ang relo o binalik mo na ito sa dati? Kung binalik mo na sa dating kamay, pareho tayo. Minsan sanay na sanay na tayo sa isang bagay at ‘pag nagbago ito, nahihirapan tayong tanggapin at gusto nating ibalik sa dati.

Sabi ni Thomas Friedman sa libro niyang The Flat World, “Change is hard. Change is harder on those caught by surprise. Change is hardest on those who have difficulty changing, too. But change is natural; change is not new; change is important.

Hindi ko alam kung anong pagbabago ang nangyayari o malapit na mangyari sa buhay mo. Bagong gupit. Bagong trabaho. Bagong boss. Bagong empleyado. Bagong relationship/civil status. Bagong tsinelas. Bagong bahay. Bagong buhay.

Tanggapin na ang change ay normal at kailangan. Hindi tinatakbuhan; niyayakap. Ito ay mahirap sa umpisa pero nakabubuti. Hindi sinusukuan; pinagsisikapan.

Malapit na ang uwian nang mapansin kong nasa kanang kamay pa rin ang aking relo. Hindi ko namalayang ilang oras na ang lumipas. Nasanay na ako.

image

Keep the change.

4 thoughts on “Keep the Change

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s