Ang Lakwatsera

 

 

Si Katerina ay anak ng isang emperor sa Russia. Apat na taon pa lang siya nang maganap ang isang malagim na pag-aaklas sa kanilang kaharian. Nasawi ang kanyang mga magulang at mga kapatid. Nakatakas siya sa kapahamakan dahil sa tulong at katapangan ng kanyang tagapag-alaga na isang Pinay. Nag-desisyon ang kanyang nanny na isama pauwi sa Pilipinas ang ulilang prinsesa. Ngayon ay umaasa siyang makakabalik sa kanilang palasyo upang bawiin ang trono na dapat ay sa kanya.

At ang lahat ng ito ay gawa-gawa ko lang. 🙂

Ang totoo, si Katerina ay isang single-mom na nakapagtapos ng kurso sa pagna-nars at ngayon ay nagtatrabaho bilang isang teller sa bangko. Malapit man o hindi ang kurso sa trabahong pinasukan, hindi na iyon mahalaga kay Katerina. Ang importante, naniniwala siya na ang bawat araw ay isang regalo mula sa Diyos at dapat ipag-pasalamat.

Halina’t samahan siya sa paglalakbay sa buhay, gamit ang lumang tsinelas, kasama ang Diyos na buhay. Makisaya sa bawat aral na mapupulot sa daan at maki-iyak sa bawat sugat na matatamo sa bawat pagkadapa. At kung ako sa’yo, gumamit na rin ng lumang tsinelas!